ती

"ती"

तस मी आणि ती भेटलो की रोजच खूप गप्पा होतात.

मनातील अगदी मोकळेपणाने सगळं मी तिला सांगत असतो..

आणि ती ही सगळं काही ऐकून घेते, समजून घेते,

ती सतत माझ्या विचारात असते..

आणि मी स्वप्नात..

पण ही विचारातील भेट मात्र वेगळीच आहे

इथं ही जग आहे, नवीन विचार आहे, आवडी निवडी आहेत, रुसवे फुगवे आहेत

चहा आहे, कॉफी आहे, 

अगदी प्रेम आणि स्वप्न सुद्धा.. 

प्रतक्ष मात्र तिचं आणि माझं भेटणं अवघड असतं

आणि ते कधीच शक्य नाही असं वाटतं..

ती खऱ्या आयुष्यात कशातच नाही..

पण विचारात तिच्या शिवाय दुसरं कुणी नाही..

मी या सगळ्यात जरी असलो तरी विचारांत ती ही माझ्या सोबत असते नेहमी,

आणि प्रत्यक्ष शक्य नसलं तरी आमची ही विचारांची भेट खरंच खूप सुंदर आहे..

- भावेश सोनार